Алтынньы ый 10 күнүттэн саҕаламмыт нэһилиэкпит иһигэр аҕам саастаах дьоҥҥо аналлаах декада бүгүн 14 чыыһыланнан түмүктэнэн эрэр. Бу нэдиэлэ устата декада чэрчитинэн араас тэрээһиннэр буоллулар. Ол курдук;

алтынньы ый 10 күнүгэр күнүс 3 чаастан «Чэчир» сынньалаҥ киинигэр «Рубрика ДО И ПОСЛЕ»;

алтынньы ый 11 күнүгэр күнүс 3 чаастан «Чэчир» сынньалаҥ киинигэр АРТ- терапия;

алтынньы ый 12 күнүгэр күнүс 2 чаастан Мастаах орто оскуолатын спортзалыгар «Чөл олох-чэгиэн турук» спортивный күрэх;

алтынньы 13 күнүгэр күнүс 3 чаастан Балаҕаҥҥа итии чэйдээх, минньигэс астаах, үҥкүү-битии аргыстаах бырааһынньыктааҕы биэчэр;

уонна алтынньы ый 14 күнүгэр «Чэчир» сынньалан киинигэр декада түмүк күнүгэр киинэ көрүүтэ. Декада культурнай программатын таһынан өссө нэһилиэк ытык кырдьаҕастарыгар волонтерскай үлэ ыытылынна. Манна Мастаах орто оскуолатын үөрэнээччилэрэ уонна нэһилиэк администрацията кыттыыны ыллылар. Анна Ивановна Винокурова көҕүлээһининэн «Балаҕаҥҥа» кырдьаҕас дьоммутун эт-ас , сир, оҕуруот аһынан күндүлүүргэ акция биллэриллибитэ. Манна нэһилиэк олохтоохторо сир, оҕуруот аһынан уонна булт, эт-ас арааһынан бэйэлэрин кылааттарын киллэрдилэр. Бу күннэр устата нэһилиэкпит ытык дьоно дуоһуйа сынньанан, бэйэлэригэр туох эмит саҥаны арыйан туһалаахтык атаарбыттара буолуо диэн эрэнэбит. Чэгиэн доруобуйаны, уһун үйэни, эстибэт эрчими, саппаҕырбат санааны, дьолу-соргуну баҕарабыт!