Саха тыла — өркөн өйбүт
Олунньу ый 13 күнүгэр төрөөбүт тыл уонна сурук-бичик күнүн чэрчитинэн Балаҕаҥҥа хоһоону дорҕоонноохтук ааҕыыга күрэх уонна «Төрөөбүт тылбыт төлкөтө төннүбэтин» квиз – оонньуу – 2024 буолан ааста.
Хоһоон ааҕыытыгар дьүүллүүр сүбэ састаабыгар Мастаах орто оскуолатын саха тылын учуутала, СӨ үөрэҕириитин туйгуна, СӨ үлэҕэ бэтэрээнэ, учууталлар учууталлара Акулина Гаврильевна Алексеева, CӨ култууратын туйгуна, «Алаас Далбара» ансаамбыл салайааччыта Анна Ивановна Винокурова, CӨ култууратын туйгуна, «Чэчир» сынньалаҥ киин уус-уран салайааччыта Антонина Григорьевна Алексеева киирдилэр.
Кыттааччылар 4 бөлөххө арахсан кыттыыны ыллылар, манна бөлөх аайы 1,2,3 миэстэни дьүүллүүр сүбэ быһаарбыта. Ол курдук:
- 1 бөлөххө — 3 м.- Алексеев Алгыс, 2 м. -Сергеева Эльмира, 1 м. — Пермякова Аделия,
- 2 бөлөххө — 3 м. — Иванова Айя, 2 м. — Яковлева Айыына, 1 м.- Иванов Максим, Васильев Петя, Дмитриев Даниель, Александров Айсен,
- 3 бөлөххө — 3 м. — 10 кылаас кыргыттара, 2 м. — Корнилова Сайыына, 1 м. — 5 кылаас үөрэнээччилэрэ,
- 4 бөлөххө — 3 м. — Тамара Матвеевна, 2 м. — Ирина Станиславовна, 1 м. — Ульяна Афанасьевна.
Күрэх түмүгүнэн бары кыттааччылар туоһу сурук, кыайыылаахтар добун сурук уонна сэмэй бэлэх туттулар.
Хоһоон күрэҕин кэннэ «Төрөөбүт тылбыт төлкөтө төннүбэтин» квиз – оонньуу саҕаламмыта. Күрэххэ 6 хамаанда кыттыыны ылла. Күрэх 9 түһүмэхтээх буолла, манна ыйытыыларга хоруйдааһын, тургутуктары таайыы, суоттаан көрдөрүү, тылы булуу, көрдөөһүн сорудахтары толорон кыайыылаҕынан «Күбэйэ» ансаамбыл хамаандата буолла, 2 миэстэ- Мастаах орто оскуолатын учууталлара уонна 3 миэстэҕэ уһуйаан хамаандата.
Тэрээһин тухары Анна Ивановна кэлбит ыалдьыттары сылаас алаадьыннан күндүлээн тэрээһини өссө эбии сэргэхситтэ.
Кыттыыны ылбыт дьоммутугар-сэргэбитигэр, көмө буолбут дьоммутугар барҕа махтал буолуохтун!
Саха буолан сандаарыҥ, киһи буолан килбэйиҥ!!!
