«Биир сомоҕо!»- аһымал кэнсиэрт.

Аҕа дойдуну көмүскээччилэр күннэригэр анаан, олунньу ый 21 күнүгэр киэһэ 19:00 ч. анал байыаннай дьайыыга, олохторун кэрэйбэккэ дойдубут туһугар диэн, адьарай өстөөҕү кытары утары киирсэ сылдьар хорсун-хоодуот уолаттарбытыгар күүс-көмө буолан «Биир сомоҕо» аһымал кэнсиэрт буолан ааста.

Бу киэһэ киирбит харчы анал байыаннай дьайыы счётугар биир дойдулаахтарбытыгар тиксиэхтээх. Концерт тухары ким көмө оҥоруон баҕалаах, ящикка бэйэтин көмөтүн уган акцияҕа кыттыстылар.

Акцияҕа кыттыбыт дьоммут-сэргэбит, хас биирдиибит кылаата анал байыаннай дьайыы кэккэтигэр сылдьар уолаттарбытыгар улахан өйөбүл буоларын өйдөөн туран, ыҥырыыбытын ылынан, көхтөөх кыттыыны ылбыккытыгар итиитик-истиҥник махтанабыт!

Инникитин даҕаны күүс-көмө буолуоххут диэн эрэнэбит!