Балаҕаччыга бильярд күрэҕэ.

Олунньу ый 24-25 күннэригэр Балаҕаччы нэһилиэгэр «Чэчир» сынньалаҥ киинигэр эр дьоҥҥо аһаҕас бильярд курэҕэ буолан ааста. Манна Хаҕынтан, Кыргыдайтан, Бүлүү куоратыттан, Чочуттан, 1-кы, 2-с Күүлэттэн, Балаҕаччыттан уопсайа 46 спортсмен кыттыыны ыллылар. Маҥнайгы күн эдэрдэргэ күрэх буолбута, манна 27 спортсмен күөн көрсөн кыайыылааҕы быһаарбыттара. Ол курдук инники күөҥҥэ тахсан;1 миэстэни — Николаев Гай (Чочу), 2 миэстэни — Прокопьев Семен (2 Күүлэт), уонна 3 миэстэни — Федоров Дьулус (1 Күүлэт) ыллылар.
Бэтэрээннэргэ, 18 спортсментан, 3 бастыҥнар тыҥааһыннаах киирсии түмүгүнэн буоллулар; 3 миэстэ-Алексеев Филипп Мартович (Хаҕын), 2 миэстэ — Томский Михаил Семенович (Бүлүү) уонна 1 миэстэ — Егоров Андрей Иннокетьевич (Бүлүү).
Иккис күн түмүгэр, абсолютнай чемпион анал аат иһин киирсии буолбута. Манна Томский Михаил Семенович (Бүлүү) кыайыылаах аатын сүктэ, 2 миэстэни — Максимов Иван Иванович (Бүлүү) ылла.
Икки күннээх-түүн күрэх түмүгүнэн кыайыылаахтар добун суруктаах, илии тутуурдаах, өттүк харалаах тарҕастылар.

Бу курдук ыраах сиртэн кэлэн курэххэ кыттыбыт спортсменнарбытыгар махталбытын тиэрдэбит.