Мероприятия Новости ⚜️ Бүлүү улууһун Тоҕус нэһилиэгэ, икки дьоруой дьоннорунан киэн туттар Балаҕаччы дэриэбинэтэ ⚜️ төрүттэммитэ 250 сылыгар анаан элбэх араас кэрэ, бэлиэ, оҥоһуктар туруорулуннулар Ол курдук… 29 октября, 202129 октября, 2021 administrator 0 Комментариев Үбүлүөйдээх сылга маннык кэрэ көстүүлээх үрэҕи туоруур муостаны ТКСК «Чэчир» сынньалаҥ киинин коллектива бэлэх уунна 👏👏👏 муостабыт дьэрэкээн уотунан дьэргэйэрин Саҥа дьыллааҕы бырааһынньыктарга күүтэбит ✨ Нэһилиэкпит өссө биир кэрэ көстүүннэн киэргэйдэ 🤩 Ньырыдьаан түөлбэ олохтоохторо нэһилиэктэрин үбүлүөйдээх сылыгар анаан Ньырыдьаан Эбэ хотун кытылыгар тапталлаахтар көрсөллөрүгэр анаан «Таптал» ыскаамыйатын оҥорон туруордулар 👏👏👏 Түөлбэ көхтөөх олохтоохторугар махталбытын биллэрэбит. «Тоҕус нэһилиэгин бочуоттаах олохтоохторун» стеллата саҥардыллынна ✨ Нэһилиэкпит чаҕылхай дьонун ааттарын үйэтитэр стелла дьон биһирэбилин ылан үтүө холобур буоларга олук буолуо диэн эрэнэбит 👏👏👏 Саха Өрөспүүбүлүкэтин норуотун маастара, Саха Өрөспүүбүлүкэтин култууратын үтүөлээх үлэһитэ, «Тоҕус нэһилиэгин» бочуоттаах олохтооҕо, тимир уһаарыытынан, ону тэҥэ тааһынан, маһынан уо. д. атын уус айар дьоҕурун баһылаабыт дэгиттэр талааннаах биир дойдулаахпыт Николай Николаевич Степанов нэһилиэк ийэлэригэр аналлаах «Ийэҕэ махтал» памятнигы бэлэх уунна🤩 Памятник ананан турбут сиригэр сквер оҥоһуллара былааннанар ✨ Аҕам саастаах ытык дьоммут ааттарыттан өйдөбүнньүк сэргэни туруоруу сиэрин-туомун тэрээһинэ үөрүүлээхтик ааспыта ☀️🌸🌿 Сиэри-туому, сэргэни чочуйан оҥорбут Сергей Федорович Еремеев арыылаах алаадьынан, алгыһынан арчылаата 🌿🌿🌿 Ытык сэргэ — харыстыыр аналлаах, уйгуну-быйаҥы дэлэтэр, силис тардар үтүө бэлиэ буолуо диэн эрэнэбит! Ытык мааны дьоммутугар истиҥник махтанабыт! 👏🏻🤝😄 Мастаах орто оскуолатын 1995 сыллаах выпускниктара бэлэх оҥорбут кэрэ көстүүлээх хаачыаллара “Үлэ килбиэнэ» скверга оннун булла 🤩 1995 сыллаах выпускниктарга махталбытын тиэрдэбит 👍Бары биир сомоҕо буолан нэһилиэкпит тупсарын туһугар бэйэбит кылааппытын киллэриэххэйиҥ диэн ыҥырабыт 👏
